Gjendja ekonomike dhe politike në Kosovë gjatë Luftës së Parë Botërore

Résumé

Ndonëse me fillimin e Luftës së Parë Botërore Kosova nuk ishte e përfshirë menjëherë në ato territore ku zhvilloheshin luftimet, ajo me të gjitha potencialet e veta ndodhej në luftë, ngase e gjithë ekonomia e saj ishte përfshirë nëpërmjet rekuizimeve të të mirave materiale, si të drithit e kafshëve, të cilat i bënin organet e pushtetit serb dhe të atij malazez, për nevoja ushtarake në territoret e veta. Po ashtu u bë edhe mobilizimi i shqiptarëve dhe i të tjerëve në radhët ushtarake, ndonëse në kontratën e bërë ndërmjet Turqisë dhe Serbisë ishte paraparë që deri më 1915 të gjithë ata që i takonin konfesionit mysliman të mos u nënshtrohen obligimeve ushtarake. Se Serbia nuk iu përmbajt kontratës së përmendur me Turqinë shihet nga një raport i komandës së trupave ushtarake serbe, ku thuhej se nga Maqedonia dhe Kosova ishin regrutuar 53.088 njerëz. Prej këtvre 8.481 ishin shqiptarë dhe turq, të dërguar në frontin e luftës me Austrohungarinë. Mobilizimi i meshkujve u shtye me hyrjen e Bullgarisë në luftë kundër Serbisë, që ndikoi në angazhimin edhe më të madh jo vetëm të njerëzve, por edhe të ekonomisë për nevoja ushtarake.