Qëndrimi i konsullit italian në Shkup ndaj çështjes shqiptare gjatë viteve 1909 - 1910

Abstract

Në fazën e katërt të Lëvizjes Kombëtare Shqiptare si rezultat i zhvillimit të ngjarjeve shumë të mprehta në skenën politike dhe ushtarake të Ballkanit dhe i raportit të forcave edhe në arenën ndërkombëtare, shtohet gjithnjë e më shumë interesimi i Fuqive të Mëdha dhe i përfaqësuesve të tyre diplomatik e ushtarak ndaj ngjarjeve që zhvilloheshin në trojet shqiptare e sidomos në Vilajetin e Kosovës. Në këtë vazhdë edhe përfaqësitë konsullore të Italisë në trojet shqiptare ishin shumë aktive e sidomos konsulli italian në Shkup i cili zhvillon aktivitet të ngjeshur duke i përcjellë me interesim të jashtë zakonshëm të gjitha ngjarjet që zhvilloheshin në territorin që mbulonte kjo Konsullatë.