Të dhëna për qëndrimin e Skënderbeut në Shqipëri para vitit 1443

Özet

Figura historike e Gjergj Kastriotit-Skënderbeut ka tërhequr vëmendjen e studiuesve të shumtë. Shumica e studiuesve që janë marrë me jetën dhe veprën e Skënderbeut, krahas problemeve të shumta, kujdes të veçantë i kanë kushtuar edhe veprimtarisë së tij në Shqipëri para vitit 1443. Për veprimtarinë e Skënderbeut gjatë viteve në fjalë është shkruar në mënyra të ndryshme, varësisht prej këndë vështrimeve të autorëve, synimeve të tyre, si dhe burimeve që ata kanë marrë për bazë. Ka ndodhur shpesh, që edhe në mesin e këtyre studiuesve, të shfaqen mospajtime për disa nga problemet që hasim gjatë periudhës në fjalë. Këto mospajtime shfaqen sidomos për dy çështje: 1. Mosha e dorëzimit peng të Gjergj Kastriotit dhe 2. Qëndrimi i Skënderbeut në Shqipëri para vitit 1443.