Shkrimi, leximi dhe historia e shkrimeve

Özet

Të mësuarit e dijes, dhe më drejtë, të artit të shkrim-leximit, nuk është një gjë e madhe, por dobia që arrihet nga kjo është shumë e madhe. Për aq sa të ketë dallim midis një njeriu memec e të shurdhër dhe një njeriu që dëgjon e flet mirë, po aq ka dallim midis njeriut që nuk di shkrim-lexim dhe atij që di këtë. Ndoshta dallimi midis këtyre është edhe më i madh. Sepse, memeci me disa isharete mund ta kryejë detyrën të cilën do ta kryente gjuha, dhe ato isharete edhe të shurdhërit mund t’ia shpjegojnë qëllimin e dëshirën. Mirëpo, njeriu i cili nuk di shkrim dhe lexim në asnjë mënyrë nuk mund t’i kryejë punët të cilat i kryejnë me shkrim dhe lexim ata që e dinë këtë.