PIKËPAMJET DHE KONTRIBUTI I GJERGJ FISHTËS PËR GJUHËN STANDARDE SHQIPE

Resumen

Ky punim trajton qëndrimin e Gjergj Fishtës ndaj gjuhës shqipe dhe në veçanti ndaj gjuhës standarde, duke u mbështetur në shkrimet e tij publicistike në revistën “Hylli i Dritës” gjatë periudhës 1914–1930. Fishta, si njohës i mirë i gjuhës shqipe dhe i disa gjuhëve të huaja, përfaqësonte një zë të rëndësishëm në debatin për politikën gjuhësore shqiptare. Analiza e këtyre shkrimeve tregon jo vetëm qëndrimet e tij mbi formimin e standardit, përdorimin dhe zhvillimin e shqipes, por edhe ndikimin e faktorëve historikë dhe kulturorë që kushtëzuan mendimin e tij. Në tekstet e tij vihet re një qasje e qëndrueshme dhe largpamëse në përkrahje të ruajtjes së gjuhës shqipe, vlerësimit të potencialit të dialektit të toskërishtes në krijimtarinë letrare, dhe nevojës për unifikimin e gjuhës. Vështruar nga këndvështrimi i sotëm, këto ide ruajnë aktualitetin dhe vlefshmërinë e tyre, duke treguar rolin parësor që Fishta i atribuonte gjuhës si instrument i identitetit kombëtar dhe zhvillimit kulturor.