NDIHMESA E REVISTËS ‘PËRPJEKJA SHQIPTARE’ PËR GJUHËN SHQIPE

Abstract

Numri i parë i revistës mujore ‘Përpjekja shqiptare’ doli në tetor 1936 dhe vazhdoi deri në dhjetor 1938. Në këtë revistë janë shtruar tema të ndryshme nga gjuhësia, letërsia, sociologjia, psikologjia, pedagogjia, historia, ekonomia, sporti e tema të tjera. Siç dihet, gjuha e revistës nuk është standarde dhe si e tillë ndihen mungesë kriteresh. Studiuesit që kanë botuar në revistë në fjalë janë të shumët dhe kanë bërë përpjekje serioze për t’i trajtuar tema të ndryshme, me tematika të ndryshme, të cilat, e kanë brumëzuar revistën, por edhe i kanë parapri proceseve të ndryshme gjuhësore, qoftë për trajtime të ndryshme për standardizimin e gjuhës, apo trajtime për ruajtjen dhe kultivimin e saj. Studiuesit të ndryshëm që kanë publikuar në revistë janë: Xhuvani, Riza e shumë dashamirës të tjerë të gjuhës, të cilët përmes punimeve të tyre e kanë ngritur vlerën kulturore, publicitare e shkencore të revistës. Përmes punimeve të ndryshme, të fushave të ndryshme, revista ka dhënë një ndihmesë të arsyeshme për ta ruajtur e kultivuar gjuhën, por edhe ka luajtur një rol tepër të rëndësishëm për ta informuar shoqërinë.