Projektimi i sistemit të ndihmës së shpejtë për një aksident automobilistik, bazuar në mikrokontrollerin pic 16f887

Abstract

Në kuadër të këtij projekti është punuar për realizimin e një sistemi informimi të qendrës së ndihmës së shpejtë për një aksident rrugor. Nisur nga numri gjithmonë e më shumë në rritje i aksidenteve rrugore, lind nevoja për një sistem automatik, i cili bën të mundur monitorimin dhe informimin e aksidentit kudo ku ai ndodh gjatë udhëtimit. Sistemi bazohet tërësisht në mikrokontrollerin e familjes PIC (Peripheral Interface Controller) (1). Parimi i këtij punimi konsiston në thirrjen e një alarmi (interrupt), kur ndodh një aksident automobilistik; alarmi shfaqet në rastin e përplasjes së automjetit me një automjet tjetër ose, kur ndodh rrotullimi i tij për shkak të daljes nga rruga. Në rastin e shfaqjes së fenomenit, nëpërmjet pajisjeve që përbëjnë sistemin, realizohet procedura e ngritjes së thirrjes duke mundësuar njoftimin e qendrës së monitorimit të aksidenteve. Përcaktimi i pozicionit ku ka ndodhur aksidenti jepet përmes modulit GPS (2) dhe modulit GSM (3) duke transmetuar të dhënat e sakta drejt qendrës së kontrollit. Avantazhet që sjell implementimi i këtij projekti në industrinë e automjeteve, si dhe në automobilat aktualisht në përdorim janë: reduktimi i kohës së ndihmës së shpejtë për personat e lënduar, pakësimi i mundësisë për vdekje, si dhe reduktimi i ndjeshëm i vonesave në kohë, që shkaktohen nga trafi ku i gjeneruar nga aksidenti.