Betonet refraktare, teknologji alternative për briketimin e pluhurave dhe koncentrateve të kromit

Abstract

Qëllimi i këtij studimi është që të rekomandojë teknologjinë e betonit refraktar si një metodë alternative për briketimin e pluhurave dhe koncentrateve të kromit në vendin tonë. Nxjerrja e mineralit të kromit nga minierat shoqërohet nga viti në vit edhe me rritjen e sasisë së pluhurave me përmbajtje 28-34% oksid kromi. Nga ana tjetër, pasurimi i mineraleve “të varfra” të kromit me përmbajtje 38-42% Cr2O3 ka bërë që dhe sasia e koncentrateve të kromit pluhur të arrijë shifra të konsiderueshme. Nisur nga kërkesat teknologjike të uzinave të ferro-kromit në Shqipëri, me prodhim rreth 200000 t/vit, në të cilat përdoret kryesisht mineral kromi në gjendje kokërr, kemi ndërmarrë një studim mbi mundësinë e përdorimit të mineraleve të kromit edhe në gjendje pluhuri ose koncentrati pluhur me përmbajtje 28 deri 42% Cr2O3 në trajtën e briketave, domethënë kthimit të mineraleve të kromit nga gjendja pluhur në gjendje kokrrizore duke i lidhur me lëndë lidhëse ujë xhami, Na2SiO3. Kjo teknikë është realizuar duke përdorur teknologjinë e betoneve refraktare [2], si një nga metodat alternative të briketimit. Studimi është shoqëruar edhe me të dhënat eksperimentale të fituara gjatë testimeve fizike, mekanike dhe termike të briketave të prodhuara në temperaturë 300-400°C në shkallë laboratorike dhe gjysmë eksperimentale.