Lidhja e vendimeve juridike me standartet nga gjykata europiane e të drejtave të njeriut

Abstract

Çdo shtet demokratik synon të ndërtojë dhe zbatojë një shtet të së drejtës si bazë të funksionimit të duhur të tij. Të drejtat dhe liritë e njeriut janë po aq komplekse, sa edhe ndërluftuese. Miratimi i Kushtetutës sonë në vitin 1998, sanksionoi një rol të rëndësishëm kyç në marrëveshjet ndërkombëtare si një nga burimet kryesore të ligjit të rendit të brendshëm shqiptar. Shpesh ndodh që pushtetet të kapërcejnë kufijtë e tyre përkatës, duke vënë në pikëpyetje mbajtjen e kushtetutshmërisë dhe të drejtave të njeriut. Metodologjia e përdorur në këtë shkrim është kërkimi sasior, duke iu referuar rasteve praktike të zhvilluara në Shqipëri dhe çështjeve të mbajtura nga Gjykata Evropiane e të Drejtave të Njeriut. Përdoren metoda cilësore dhe të përziera, duke iu referuar rasteve praktike në Shqipëri, sidomos atyre, që u dërguan edhe në Gjykatën Europiane të të Drejtave të Njeriut. Duke ndjekur analizën e jurisprudencës së Gjykatës Kushtetuese dhe asaj të Gjykatës Evropiane të të Drejtave të Njeriut, standardi i interpretimit në Shqipëri duhet të avancojë. Përfundimet e këtij shkrimi unifikojnë qasjen kushtetuese sipas standardit evropian. Treguesit cilësorë të të dhënave na tregojnë një mospërputhje në lidhje me raportin midis standardeve të përdorura, lidhur me procedurën e ndjekur për të trajtuar të drejtat kushtetuese.