Roli i antioxidantëve në menazhimin e faktorëve proatherogjen dhe protrombotik

Abstract

Hyrje. Sëmundja e arterieve koronare që njihet ndryshe edhe si sëmundje ishemike e zemrës është shkaktari kryesor i vdekjeve në ditët e sotëshme në vendet e zhvilluara. Qëllimi i këtij studimi është që të ofrojë udhëzime parandaluese bazuara në evidencat e fundit mbi rëndësinë e antioksidantëve natyrore tek pacientët me patologji koronare përmes monitorimit të vlerave të trimetilaminëoxidazës (TMAO), metabolitit pro-atherogjen e protrombotik, të Low density lipoprotein (LDL-së), Proteinës C-Reaktive (PCR-së) duke testuar in vivo efikasitetin e një nutraceutiku me bazë ekstraktet polifenolike të resveratrolit përgatitur nga bërsitë e rrushit (Vitis vinifera L.) Metodologjia. Për realizimin e këtij studimi double-blind placebo kontroll u zgjodhën 60 pacientë vullnetarë të rastësishëm mbipeshë që plotësuan kriteret e pranimit duke respektuar Deklaratën e Helsinkit dhe Bazuar në Komitetin e Etikës. Forma e administrimit të nutraceutikut për pacientët ishte per os, në formën e tabletave të standartizuara me extraktet polifenolike të rrushit 400 mg, një herë në ditë larg ushqimit, ndërkohë grupi placebo të njëjtën formë farmaceutike por me maltodextrinë për një periudhë 3 mujore. Rezultatet. Pas administrimit dhe monitorimit të nutraceutikut për një periudhë 90 ditore, u vu re një ulje e niveleve plazmatike të TMAO (trimetilamineoxidave) si dhe ox-LDL (loë density lipoprotein) dy ndër markuesit kryesorë të patologjive koronare me -49.78% ± 0.2 ( p < 0.0001), dhe -43.12% p < 0.0001 ± 0.1 respektivisht krahasuar me grupin placebo si dhe një ulje e nivele të Proteinës C-Reaktive me 0.2 mg/dcl ose në masën 39% e cila lidhet me inflamacionin kronik endotelial të arterive koronare. Përfundimet. Këto rezultate premtuese hedhin dritë për rëndësinë e antioxidantëve dhe përbërësve natyralë si dhe për zhvillimin e testimeve të mëtejshme për të formuluar suplemente efektive në tregun e industrisë farmaceutike.