Aneksimi i Krimesë dhe “lufta e freskët”

Abstract

Lufta e Ftohtë përfundoi më shumë se dy dekada më parë me një fitore përcaktuese të perëndimit. Por, aktualisht duket se një luftë e re po formësohet midis fuqive kryesore të planetit.
Kjo luftë mund të përcaktohet si Lufta e Freskët dhe ndryshon ndjeshëm nga Lufta e Ftohtë sepse nuk karakterizohet nga një “zero-sum” marrëdhënie për vetë shkallën e madhe të ndërvarësisë midis aktorëve kryesorë në rrafsh global.
Nisur nga kjo varësi, Bashkimi Evropian duket shumë më ngurues se SHBA në qëndrimet që duhet të ndërmerren edhe ndaj aktit aneksues të Krimesë nga ana e Rusisë.
Sidoqoftë, zhvillimet më të fundit në Ukrainë shërbejnë jo vetëm për të lexuar më së miri portretin dhe ambiciet e liderit të Kremlinit, por edhe për të hedhur dritë mbi qëndrimet që do adaptojë Washingtoni si pjesë e kësaj Lufte të Freskët.