Roli i kurrikulës dhe i shkollës në zhvillimin gjuhësor të fëmijëve

Abstract

Qëllimi i këtij punimi është të paraqesë një panoramë e cila lidhet me përmbajtjen dhe strukturën e programit mësimor të mësimit në gjuhën amtare, e cila është shumë e rëndësishëm për formimin intelektual të çdo individi. Gjuha amtare është instrument krijues i shprehive vetjake, instrument i zhvillimit emocional, shërben për krijimin e ideve origjinale dhe zhvillimin e personalitetit. Gjuha është faktor shumë i rëndësishëm në zhvillimin e kombeve. Ajo ndërton kombet dhe mban kombet së bashku. Kurrikulat e gjuhës amtare duhet të jenë vazhdimisht në koherencë me programet e kësaj lënde, me vendet europiane dhe me ndryshimet që bëhen në këto programe. Të mësuarit me kompetenca është një trend i kohës, zbatimi i të cilave, kërkon strategji të gjetura dhe të suksesshme të nxëni. Arritja e kompetencave sipas fushave të të nxënit duhet të shoqërohen me instrumente të sakta vlerësimi dhe kontrolli. Zhvillimi i mendimit kritik duhet të jetë një proces i vazhdueshëm didaktik në të gjitha veprimtaritë e të folurit, të lexuarit dhe të shkruarit të nxënësve. Vendoset theksi se si praktikat e sotme të mësimdhënies efektive, gjithnjë e më tepër po transformohen dhe pasurohen me elementë të rinj, duke i ardhur në ndihmë procesit të mësimdhënies. Pikërisht, auditorët e universiteteve kanë për detyrë të formojnë mësues që janë në gjendje të zbatojnë një kurrikulë të re, që bazohet në kompetenca, dhe zbatojnë risi didaktike në mësimdhënie, ku nxënësi është në qendër të saj dhe mësimdhënia merr karakter gjithëpërfshirës.