Prof. Dr. Shefik Osmani – Mendimtari i shquar i pedagogjisë shqiptare

Abstract

Në këtë artikull janë objekt dy veprimtari të profesorit të nderuar:

1. Botimi “Përjetë me Shefikun”, monografi me autore Urti Osmani ,“Mësuese e Popullit”;

2. Rreth shtatë botimeve të Prof. dr. Shefik Osmani.

Veprimtaria e parë: me rastin e 1-vjetorit të ndarjes nga jeta të Prof. Dr. Shefik Osmani, bashkëshortja e të ndjerit, Urtie Osmani (“Mësuese e Popullit”), realizon librin objekt kryesisht për jetën familjare të profesorit. Jam njohur me profesorin në bankat e shkollës ku ai ishte drejtor dhe na zhvillonte edhe lëndën e pedagogjisë. Mësimëdhënia si edhe realizimet e shumta studimore e botuese të tij, dëshmojnë për një nivel të lartë pedagogjik dhe shkencor. Libri objekt, prej 286 faqesh, shënon vazhdimësinë e punës serioze dhe dinjitoze të prof. Osmanit, të cilën me patos të lartë e pasqyron autorja, bashkëshortja, njëherësh bashkëpuntorja e ngushtë e Profesorit, Urtie Osmani. -“Jemi të bindur, - thotë autorja, - se kush jeton pas vdekjes i përket historisë”. Libri analizohet prej shtatë kapitujsh të cilët dëshmojnë për gjerësinë dhe gjithëpërfshirjen kryesisht për dukuritë jetësore dhe ato pedagogjike. Në vazhdën e dyzetë librave të botuara, monografia objekt e përfytyron edhe më tej diapazonin emblematik të profesorit të nderuar. Këtu përfshihen posacërisht edhe udhëtimet e tij të shumta pas viteve ’90, duke komunikuar me personalitete dhe instituticione të rëndësishme botërore. Të tilla kanë qenë: Kosova, Italia, Rumania, Maqedonia, Turqia, Zvicra, Gjermania, Hollanda, Irani, Emiratet e Bashkuara Arabe, Belgjika, Arabia Saudite, Egjipti, Suedia. Me vlerësime të mëdha janë edhe urtitë e shfaqura nga disa personalitete për figurën e shquar të Profesor Shefikut, por ashtu edhe për nivelin kulturor e gjuhësor të autores Urtie Osmani.

Veprimtaria e dytë: nga prodhimtaria botuese e dyzetë botimeve të Prof. Dr. Shefik Osmanit, citohen shtatë prej tyre, siç janë: “Vlerësime për Prof. Dr. Shefik Osmanin”, Tiranë, 2014, 384 faqe.