Serbia përdori shqiptarët kundër turqve në Ballkan

Abstrakti

Ish sekretari shtetëror dhe historiani i njohur në Maqedoni, Muzafer Bislimi, po publikon të dhëna tronditëse për faktin se si Serbia ka shkaktuar konflikte mes shqiptarëve dhe turqve në Ballkan. Të gjithë këtë, sipas këtij dokumentacioni, Serbia e ka bërë me qëllim që ta forcojë veten dhe ta ketë sa më të lehtë t`i nënshtrojë shqiptarët.

Nga historia duhet të mësojmë se kjo ka ndodhur para 104 vjetëve, por nuk do të thotë se nuk ka ende veprime të tilla. Sipas direktivave serbe për punën e tyre me shqiptarët në vitin 1912, në prag të luftërave ballkanike, ministri i Punëve të Jashtme të Serbisë, Jovan Jovanovi, u kërkoi konsullatës: “Duhet të bëjmë gjithçka që kemi në dorë për të ndihmuar një përçarje më të madhe…mes turqve dhe shqiptarëve. Përçarja duhet të jetë aq e madhe sa të mos mund të kapërcehet kurrë. Shqiptarët, pra, duhet të inkurajohen të luftojnë kundër Turqisë dhe jo vetëm të inkurajohen, por edhe të ndihmohen.