Raportet shqipe standarde-dialekt te nxënësit e disa shkollave të mesme të Prishtinës

Abstract

Qëllimi i këtij punimi është që të nxjerr disa të dhëna për raportet gjuhë standarde-dialekt te nxënësit dhe studentët në disa nga institucionet e arsimit të mesëm dhe atij universitar në Kosovë.
Hulumtimin e kam realizuar duke anketuar nxënës dhe studentë për raportet gjuhë standarde-dialekt. Për shkak të korpusit të studimit, që mund të jetë shumë i gjerë, trajtimin e kësaj problematike e kam kufizuar vetëm tek nxënësit e dy shkollave të mesme të Prishtinës; në gjimnazin “Sami Frashëri” dhe në gjimnazin filologjik “Eqrem Çabej” si dhe te studentët e Fakultetit të Edukimit të Universitetit të Prishtinës - programi: Gjuhë dhe letërsi shqipe si dhe në Universitetin “Fehmi Agani” në Gjakovë në programin e njëjtë të studimeve.
Korpusin e studimit e kam ndërtuar mbi bazën e materialeve teorike që shpjegojnë dhe sqarojnë aspekte të caktuara të dallimeve (raporteve) shqipe standarde – dialekt, si dhe mbi bazën e vrojtimeve dhe anketimeve që kam bërë në shkollat dhe fakultet e lartshënuara. Kam vepruar kështu, sepse mendoj se kundrimi nga afër i ligjërimit të nxënësve dhe studentëve na mundëson për të gjetur e paraqitur të dhëna sa më të plota dhe të vlefshme në lidhje me tiparet ligjërimore të tyre, me interes për sociolinguistikën.