Roli i revolucionit francez në sekularizimin e shoqërisë franceze

Abstract

Në këtë punim autori elaboron një nga fazat më të ndritshme por edhe më të përgjakshme socio-historike të shoqërisë franceze, me theks të veçantë të religjionit dhe klerit fetar francez. Fakti se, pos mbretit dhe shtresës së fisnikëve, kisha mesjetare ishte faktori më i rëndësishëm i shoqërisë feudale në sferën e raporteve politike, shoqërore, kulturore dhe ekonomike, në masë të madhe ka determinuar vet Revolucionin francez dhe sistemin shoqëroro-politik të ardhshëm.
Në pjesën e parë të këtij punimi përkufizohet kuptimi i termit “sekularizimi.” Procesi i sekularizimit të shoqërisë franceze ka kaluar nëpër disa faza prej mesjetës deri në epokën moderne dhe deri më sot nuk mund të konsiderohet si proces i përfunduar.
Në pjesën e dytë punimi vështron kushtet shoqërore, politike, historike, ekonomike dhe kulturore të cilat i kanë kontribuar sekularizimit të shoqërisë franceze. Ky proces ishte shumë kompleks dhe i vështirë, gjithnjë duke marr parasysh raportin dhe antagonizmin reciprok të revolucionarëve dhe klerit, respektivisht ideve novatore të mendimtarëve iluminist të cilat nuk përkonin me dogmat kishtare. Pas këtij revolucioni, pozita dhe roli i religjionit në shoqëritë perëndimore në përgjithësi ndryshon, dhe në veçanti në Francë. Institucionet religjioze e humbin mjetin e kontrollit shoqëror, ndërsa religjioni kalon në sferën private. Lindë shteti laik francez i cili e ndanë autoritetin religjioz dhe politik dhe paraqitet si garantuesi i lirisë së religjionit në nivel të drejtës private, si mbrojtësi i neutralitetit ideologjik, por edhe si partikularizëm në vete dhe në disa faza edhe si kundërshtar i hapur i religjionit.