Shtetet islame në OBI

Abstrakti

Organizata për Bashkëpunim Islamik – OBI është organizata e dytë ndërqeveritare pas Kombeve të Bashkuar, e themeluar më 25 shtator 1969, gjatë samitit që u mbajt në Mbretërinë e Marokut. Në këtë organizatë janë të anëtarësuar 57 shtete me status të plotë, si dhe 5 shtete të cilat kanë status vëzhgues. Sipërfaqja e OBI – t, është rreth 29.091.707 km2 ose përafërsisht ¼ e sipërfaqes kontinentale të Botës, si dhe rreth 1.727 miliard banorë, apo 23,5 % të numrit të përgjithshëm të popullsisë së Botës. Shtetet e kësaj organizate shtrihet në katër kontinente (Afrikës 27shtete, Azi 27 shtete, Amerikën Latine 2 shtete, në Evropë 1 shtet), Nevoja për themelimin e kësaj organizate lindi si pasojë e rrethanave të krijuara pas luftës së parë botërore ku u shkatërrua edhe Kalifati. Gjuhët zyrtare të OBI – t janë: gjuha arabe, gjuha angleze dhe gjuha frënge. Selia e organizatës ndodhet në qytetin Xheda të Arabisë Saudite.OBI ka një delegacion permanent në Kombet e Bashkuara. Sipërfaqja e madhe kontinentale ka bërë të mundur që në këtë hapësirë të shtrihen një numër relativisht i madh i maleve, rrafshnaltave, ultësirave, depresioneve, shkretëtirave, gadishujve, ishujve, luginave lumore, kanioneve, etj. Në hapësirën e këtyre shteteve të jenë të pranishme po thuajse të gjitha llojet e klimës. Ujërat mbulojnë një pjesë të vogël shteteve të OBI – t, ku në të rrjedhin lumenjtë më të rëndësishëm e më të gjatë në Botë, si: Nili, Nigeri, etj. Hapësira e këtyre shteteve lagët nga detet dhe oqeanet më të rëndësishëm të Botës. Në hapësirën e shteteve të OBI – t, janë prezent një numër i madh dhe i llojllojshëm i botës bimore dhe shtatore.