Urdhëresa dhe proklamata të ushtrisë austro-hungareze ndaj shqiptarëve, gjatë muajve shkurt-qershor 1916

Abstract

Synimi i këtij punimi është që të trajtojë urdhëresat dhe thirrjet e ushtrisë austro-hungareze gjatë dhe pas vendosjes së tyre në Shqipëri.
Materialet, në të cilat jemi mbështetur janë proklamata dhe urdhëresa të ushtrisë austro-hungareze të vitit 1916. Si burim kryesor janë marrë dokumente të kohës që janë botuar në Shqipëri gjatë vitit 1916.
Austro-Hungarezët, u bënin thirrje të gjithë shqiptarëve, të të gjitha përkatësive fetare, që t’i kapin armët për t’i përzënë ushtrinë serbe dhe malazeze nga territoret shqiptare. Administrata austro-hungareze nxori disa urdhëresa, udhëzime dhe proklamata drejtuar popullsisë shqiptare, si urdhëresa mbi udhëtimet në Shqipëri dhe jashtë saj, urdhëresa për dorëzimin e armëve, faljen e përgjithshme të gjaqeve etj.
Thirrjet dhe proklamatat ndodhen në Bibliotekën Nacionale të Austrisë. Thirrjet bëheshin në dy gjuhë, në gjuhën shqipe dhe gjermane, të cilat shtypeshin në shtypshkronjën “Nikaj” në Shkodër dhe nga shtypshkronja “Etappen Stations Komandos” në Durrës.