Zhvillimi i kapaciteteve udhëheqëse në shkolla

Nevojat për trajnim, këshillim dhe përkrahje

Abstract

programi. Në fokus të studimit është evidentimi, analiza dhe raportimi i gjetjeve lidhur me kërkesën e tretë të fletëpyetësorit drejtuar vijuesve: Çfarë trajnimi, këshillimi apo përkrahje në vazhdim mendoni se ju nevojitet tani?. Përmes gjetjeve të studimit iu është dhënë përgjigje pyetjeve të studimit për çështjet që kanë të bëjnë me (i) kërkesat e vijuesve për trajnim, këshillim dhe përkrahje në të ardhmen, dhe (ii) ndikimin e trajnimit për udhëheqje arsimore në inicimin e kërkesave të vijuesve për zhvillim të mëtejshëm profesional. Studimi tregoi se janë gjithsej 36 tema orientuese të parashtruara nga vijuesit për trajnim të mëtutjeshëm, 14 kërkesa për këshillim, si dhe 24 kërkesa për përkrahje të vazhdueshme në raport me zbatimin praktik të aspekteve të trajtuara në trajnim. Bazuar në gjetjet e këtij studimi, mund të themi gjithashtu se realizimi i programit të trajnimit ka ndikuar në inicimin e kërkesave të vijuesve për trajnim të mëtejshëm, meqenëse vërehet rritje në numër dhe në lloj të kërkesave për trajnim nga moduli në modul. Tendencatd e kërkesave për trajnim orientohen kryesisht në trajnimin e tyre për zbatimin e Kornizës së Kurrikulës së Kosovës (KKK), për programin Mendimi kritik në lexim dhe shkrim (MKLSH), programin Patenta evropiane për përdorimin e kompjuterit ( ECDL) dhe për Vlerësimin e nxënësve. Të gjitha gjetjet, për ofruesit e programeve të trajnimit mund të shërbejnë si orientues për dhënien e prioriteteve në hartimin dhe realizimin e programeve të trajnimit me udhëheqës të shkollave dhe me mësimdhënës në të ardhmen. Fjalë kyçe: udhëheqje arsimore, trajnim, këshillim, përkrahje, tendencë/kahje, fletëpyetësor, etj