Kontribut për bibliografinë e gjuhësisë Shqiptare (I)

Abstract

Në Konferencën e parë të Studimeve Albanologjike, që u mbajt në Tiranë, në nandorin e vjetit 1962, u theksue, ndër të tjera, se një nga detyrat kryesore të kuadrove tona shkencore, asht vazhdimi dhe thellimi i matejshëm i punës kërkimore dhe i studimeve shkencore në fushën e albanistikës, në mënyrë që këto studime t'i përgjigjen si duhet nivelit që kërkon dija e kohës sonë. Për plotësimin e kësaj detyre, një rol të randësishëm në përvetësimin e njohunive teorike e praktike, në njohjen e përpjekjeve dhe të rezultateve të arrituna në fusha të ndryshme të ditunive, luen pa dyshim edhe bibliografia. Madje bibliografia, si një disiplinë shkencore më vehte, asht ba një udhëtregues i domosdoshëm për të gjithë ata që merren ose duen të merren me studime shkencore, sepse "zhvillimi i sotëm dhe i nesërm i shkencave albanologjike nuk mund të kuptohet pa pasur parasysh burimet dhe rrugët e tyre të djeshme".