Në vend të një biografie dhe të një bibliografie për studiuesin dhe leksikografin Avdyl Sula

Abstract

Më 22.04.2016 ndërroi jetën në Bajram Curri, në qytetin e tij të dashur zoti Avdyl Sula, bashkëpunëtori i jashtëm më i zellshëm i Institutit të Gjuhësisë dhe të Letërsisë – Tiranë, hulumtuesi e studiuesi i përkushtuar i leksikut popullor, prozatori dhe poeti i admiruar. Homazhet për përcjelljen e tij u bënë përpara Muzeut Historik të qytetit. Me dhembjen e thellë për këtë humbje të bashkëpunëtorit dhe të shokut tonë, u shprehim ngushëllimet më të përzemërta e më të çiltra familjes së nderuar të Avdylit dhe të gjithë të afërmve të tij.