Pavli Haxhillazi

Abstrakti

Në muajin dhjetor 2016 u nda nga jeta prof. as. Pavli Haxhillazi. Ai lindi në 7 shkurt 1941 në qytetin e Elbasanit, ku kreu shkollën 7-vjeçare dhe shkollën e mesme pedagogjike. Në vitin 1958, me të mbaruar shkollën e mesme, fillon punën si arsimtar në rrethin e Librazhdit, duke e ndërprerë punën po këtë vit, për të ndjekur studimet e larta në Universitetin Shtetëror të Tiranës, Fakulteti i Historisë dhe i Filologjisë, Dega e Gjuhës dhe e Letërsisë Shqipe. Studimet e larta i përfundon në vitin 1962 me rezultate shumë të mira, çka përcaktuan dhe emërimin e tij si bashkëpunëtor shkencor në sektorin e leksikologjisë dhe të leksikografisë, Instituti i Historisë dhe i Gjuhësisë, Tiranë (pas vitit 1972, Instituti i Gjuhësisë dhe i Letërsisë), ku punoi pa ndërprerje deri në vitin 1991.