Rravgime nëpër kritikën e letërsisë sonë për fëmijë

Abstract

Kritika letrare, si shoqëruese e përhershme e letërsisë artistike, ka nxjerrë në dritë vlerat dhe antivlerat, ka analizuar e interpretuar veprat nga këndvështrime estetike të ndryshme, në kohë e vende të ndryshme, duke qenë herë lavdëruese dhe herë goditëse, herë gjykatëse e drejtë dhe e thellë, herë në rolin e reklamës. Gjithsesi koha ka qenë ajo, e cila ka treguar sa afër ose larg të vërtetës, sa subjektive ose objektive ka qenë kritika letrare si pjesë e shkencës së letërsisë. “Ambicja e vetme e kritikës asht vetë ideali i veprimevet: siguria, përsosmënija, fryti i tyne. – ka shkruar kritiku i përkushtuar Arshi Pipa. – Kritika asht matja, asht pesha (kupto: peshorja) e nji prodhimi spiritual, asht shkurt bota e vlerave.”