Lirika dhe semantika (Misioni i poezisë shqipe)

Abstract

Shfaqja e lirikës shqipe është një mundësi leximi dhe një mënyrë interpretimi për të parë poezinë si mision dhe funksion etik e estetik, gjithmonë duke e lexuar në principin e shfaqjes së saj në kontekstin kohor të krijimit. Në këtë shkrim janë zgjedhur katër poezi të ndryshme në kohën e krijimit, si variante të ndryshme shkrimi për nga struktura, tema dhe qëllimi. Këto krijime, si moshë shkrimi përcaktohen si rend kohor brenda manifestimit letrar të periudhave njëra pas tjetrës, por, koha, këtu nuk manifestohet si esencë letrare e historike, por si semantikë e mendimit që prodhon rrjet kuptimi. Ky kuptim në poezinë e parë “Madhështi e njerëzve” varion si komunikim pragmatik, retorik; në të dytën “O moj Shqypni” si parim etik e universal; “Lagja e varfun” si problem social e vetëdije morale dhe “Baladë çame” si situatë personale.