Termi islam në burimet islame dhe në periudhën formative muslimane

Abstract

Terminologjia islame është temë me shumë rëndësi në tërë doktrinën islame, sikur edhe në akaidin islam. Shpeshherë, dijetarët kanë ecur në interpretimet e tyre nga skaji në skaj.
Megjithatë, ekziston një bosht pikëpamjesh që do të konsiderohet i pranueshëm, dhe boshti tjetër që do të konsiderohet si i skajshëm, i papranueshëm, madje heretik. Këtë fat e kanë pasur edhe termat islam, iman, din, ummet etj.
Të gjitha këto terma, në vazhdim, do të trajtohen përmbledhurazi në bazë të burimeve islame, Kuranit dhe Hadithit, por edhe në periudhën formative të shkollave të hershme besimore muslimane.
Meqenëse edhe deri tash në letrat shqipe është trajtuar kjo temë, shkrimi ynë mëton të hedhë më tepër qartësi dhe lehtësi në përmasat e neglizhuara të temës, ato shpirtërore, për ta kuptuar më lehtë këtë temë shumë të rëndësishme dhe mjaft të ndërlikuar.