Heroi kombëtar: propozim për një temë studimi në antropologjinë e modernitetit

Abstrakti

Ky prezantim ndërtohet mbi shqetësimin se çfarë kontributi mund të japin studimet shqiptare në antropologjinë e modernitetit në leximin e figurës së heroit kombëtar të shqiptarëve, Gjergj Kastrioti, Skënderbeu. Duke u bazuar në perspektivën studimore të propozuar nga Domenic Boyer dhe Claudio Lomnitz (2005) për “një antropologji të intelektualëve” dhe Deborah Poole (1997) mbi “ekonominë vizuale”, propozimi i paraqitur në këtë fjalë apelon për kërkime të cilat do të duhet të shqyrtojnë raportin mes heroit kombëtar, shtetit, produktit intelektual, ideologjive populiste dhe njerëzve në shoqërinë moderne shqiptare.