Dritë mbi figurën e gjeneralit Mehmet Pashë Deralla

Abstrakti

Historiografia jonë duhet të reflektojë edhe më shumë për të ndriçuar tërësisht vlerat e figurave të tilla të shquara, që për arsye ideologjike sistemi monist i braktisi dhe i anatemoi. Kjo ndodhi edhe me figurën e Mehmet Pashë Derallës. Mehmet Pashë Deralla është regjistruar në historiografinë shqiptare si një ndër protagonistët e Lidhjes Shqiptare të Prizrenit të vitit 1878. Gjeneral Mehmet Pashë Deralla ishte një nga protagonistët kryesorë të qëndresës shekullore përballë sulmeve serbo-malazeze, të cilat synonin pushtimin e Shqipërisë veriore. Nën komandën e tij, luftëtarët shqiptarë i shtypën forcat serbe në hapësirën ndërmjet Drinit të Bardhë dhe Drinit të Zi. Ishte kjo një rezistencë e sulmeve antishqiptare nga veriu, që krijoi kushte normale për të mundësuar celebrimin e aktit historik të ngritjes së flamurit në Vlorë.