Zgjedhja e Qeverisë së Princ Wied-it

Abstrakti

Zgjedhja e qeverisë pas ardhjes së Princ Wied-it, rezultoi se ishte një detyrë po aq e vështirë sa përzgjedhja e princit për fronin e Shqipërisë nga Fuqitë e Mëdha. Shqipëria ishte një vend i vogël i pa mësuar me një pushtet qendror dhe i udhëhequr gjithmonë prej autoritetit të klanit, fisit apo të parit të vendit. Kështu që mundësia e një zgjedhjeje të qeverisë, ishte shumë e rrezikuar në mos për të dështuar, për të mos funksionuar, siç duhej. Realiteti i brendshëm i vendit njihej shumë pak prej kryetarit dhe anëtarëve të qeverisë që u përzgjodhën, me përjashtim të Esat Pashë Toptanit. Prandaj, intrigat, thashethemet, keqkuptimet, deri në dëbimin e këtij të fundit, zunë më shumë vend sesa puna për konsolidimin e qeverisë. Nga ana e tyre, Fuqitë e Mëdha e panë të udhës të mos ndërhyjnë shumë dhe ta lënë gjithçka në dorë të rastësisë dhe princit të ri.