Hysen Deralla ky antikomunist i shquar

Abstrakti

Kanë qenë ditët e para të nëntorit 1912, atëherë kur atdhetarët shqiptarë të viseve të Kosovës dhe Maqedonisë shqiptare, të bindur se duhet të flaknin njëherë e përgjithmonë natën e zezë osmane dhe pushtuesit serbo-sllavë, u lidhën fort ngushtë me pushkë dhe pendë për arritjen e kuvendit historik të Vlorës. Në këtë kuvend, pos të tjerave, si përfaqësues i Maqedonisë shqiptare, u zgjodh njëzëri, Mehmet Pashë Deralla, atdhetari i madh nga Gradeci i Tetovës, i cili la ndere dhe ofiqe në Stamboll, për t’i shërbyer atdheut të vet, pikërisht në këto momente kulmore, ndërsa burri i shquar tetovar merrte rrugën për në Vlorë, e lajmërojnë se gruaja, Nadirja, lind djalin e tretë. Do të kalonin disa javë, Mehmet Pashë Deralla do të zgjidhej ministër i Luftës, në të parën qeveri shqiptare, do të ndërmerrte luftimet e para kundër serbo-sllavëve, bullgarëve dhe grekëve, kur do të përkëdhelte birin e vet, Hysenin.