Problem i një alfabeti të përbashkët në gazetën «Kombi» të Bostonit

Abstract

Nevoja e një alfabeti për shqipen ka lindur qëkurse filloi shkrimi i gjuhës sonë. Por kërkesa e njësimit të alfabêtit u bë e ngutshme sidomos nga fundi i shek. XIX e në vitet e para të shekullit tonë, sepse mungesa e një alfabeti të vetëm ishte një pengesë e madhe për përhapjen e kulturës, të arësimit, të rritjes së mëtejshme të ndërgjegjes kombëtare. Prandaj me këtë çështje u morën gjithë patriotët, gjithë shtypi i kësaj periudhe të ndritur të historisë sonë. Çështjet e alf abêtit u bënë objekt diskutimesh të gjera në gazetat e të përkohshmet kryesore të Rilindjes sonë kombëtare, sidomos në vitet e fundit të shek. XIX e në vitet e para të shek. XX, dhanë rast për ndeshje mendimesh e përpjekjesh të ndryshme për zgjidh- jen e drejtë të tyre. Gjithë kjo punë përgatit në një pjesë të mirë terre- nin për Kongresin e Alfabetit që u mbajt në Manastir më 14-22 nëndor 1908.