Variacioni sintaksor në dialektet e shqipes

Abstract

Qëllimi i këtij artikulli është të pasqyrojë gjendjen dhe perspektivën e hulumtimeve mbi variacionin sintaksor në dialektologjinë shqiptare. Sigurisht, diskutimin do ta fillojmë me shqyrtimin e materialit sintaksor në pyetësorin e përdorur për hartimin e Atlasit dialektologjik të gjuhës shqipe (2007). Atlasi, vepër e rëndësishme albanologjike, mbart vlera të padiskutueshme për hetimin, studimin, dhe pasqyrimin e dialekteve të shqipes sipas një metode të caktuar, asaj të vjeljes në terren nga gjuha e gjallë e folur, e kombinuar me përdorimin e metodës së anketës ose metodës së pyetësorit.