Shprehjet juridike latine dhe shkurtesat në terminologjinë e së drejtës në Shqipe

Abstract

Në fushën e leksikut të së drejtës, një grup më vete përbëjnë edhe termat e shprehjet juridike latine. Në këtë gjuhë u përpunua, duke u nisur nga shekulli III p. e. s, sistemi më i përparuar i së drejtës i mbështetur në pronën e thjeshtë private. Tradita romane u shërbeu si themel për ndërtimin e së drejtës që gjen zbatim sot në Europën kontinentale dhe në një pjesë të mirë në kontinentet e tjera. Kjo shpjegon praninë e këtyre termave e shprehjeve jo vetëm në degë të veçanta si e drejta romake që studion historikun e evolucionit të koncepteve dhe institucioneve të së drejtës në Romën e lashtë nga lindja deri në shuarjen e tyre, por edhe në degë të tilla si: e drejta civile, e drejta ndërkombëtare, e drejta e krahasuar apo dhe në praktikën juridike.