Lef Nosi si mbledhës i folklorit në arkivin e iaksa-ës

Abstract

Lef Nosi është një figurë sa e rëndësishme, aq dhe e veçantë. Janë të shumta provat të cilat dëshmojnë ndihmesën e këtij firmëtari të Pavarësisë në çështjen kombëtare. Ai lindi në lagjen Kala të qytetit të Elbasanit më 9 prill 1877. Mësimet e para i mori në vendlindje. Nisi dhe zhvilloi aktivitete patriotike, publicistike e studimore, duke u shndërruar në një ndër figurat më të njohura dhe me ndikim në vend. Më 1909 zgjidhet nënkryetar i klubit Vllaznia të Elbasanit e po këtë vit themelon dhe drejton shoqërinë Afërdita. Më 1912 zgjidhet ministër i Postë- Telegrafit në qeverinë e Vlorës. Pjesa më e madhe e punimeve dhe e koleksioneve të Lef Nosit gjendet më së shumti e ruajtur në AQSH, AFIKP, AIGJL.