Fshati shqiptar i Bullgarisë, Mandrica. Studim dhe tekste

Résumé

Më 1949, një nxënësi im, ahere student në Universitetin e Plovdivit, më dërgoi tekstin e një kënge popullore shqipe, të mbledhur në fshatin shqiptar Mandricë të Bullgarisë, nga një mandricar vetë. Teksti ishte shkruar me alfabetin bullgar dhe unë e gjeta ahere jo të përshtatshëm për botim. Prita rastin të shkoj vetë në Bullgari dhe të vizitoj të vetmin fshat ku rende flitet shqipja në atë vend. Kjo u bë në shtatorin e vitit 1959)i Mandrica gjendet në këndin më juglindor të Bullgarisë, tamam në kufirin bullgaro-greko-turk. Është qendër lokaliteti në rrethin e Ivajlovgradit. Fshati është i veçuar në vise kodrinore dhe dushkaja. Është nj’a 30 km nga Adrianopoli i Turqisë, të cilin mandricarët e quajnë Qytet, kurse çdo qyteti tjetër i thonë kasaba.