Një vështrim origjinal i së kaluarës së popullit tonë (romani “nomeja e largët” i F. Ballancës)

Abstract

Pas leximit të tregimeve, novelave dhe reportazheve të Faik Ballancës, natyrisht krijon një opinion të përgjithshëm dhe, për rrjedhojë, edhe një vlerësim të caktuar, jo vetëm për autorin por dhe për veprën e tij letrare. Por, ky opinion dhe vlerësim nuk mund të merren si të plotë dhe të saktë, kur dimë që Faik Ballanca ka botuar edhe një roman. Në ç’masë kjo vepër i shton vlerat e krijimtarisë letrare të këtij autori, ç’vend zë në kuadrin e gjithë veprës së Ballancës, cila është e reja që kjo vepër sjell, krahasuar jo vetëm me krijimtarinë e plotë të tij, por në një plan më të gjerë, me krijimtarinë letrare të kohës ku jetoi e krijoi autori - këto pyetje dhe të tjera që kanë ngacmuar vëmendjen tonë, kërkojnë përgjigje, por edhe një argumentim i cili përbën në fund të fundit synimin tonë, në kuadrin e qasjes dhe vlerësimit tërësor të veprës letrare të Faik Ballancës.