Mbrojtja e dokumenteve dixhitale

Abstract

Tematika për të cilën kam bërë hulumtime synon të trajtojë mbrojtjen e dokumenteve dixhitale nga ndërhyrjet e ndryshme. Një çështje shumë me rëndësi metodologjike në ruajtjen e dokumenteve të dixhitalizuara është ruajtja e tyre në trajtën origjinale, pra të
pandryshuar. Çështje tjetër më rëndësi është sigurimi i dokumenteve nëpër server (skedar), preventiva e të cilave duhet të jetë pothuajse identike sikurse në depo. Në këtë kontekst, është vërtetuar fakti se nëse bëhet ndërhyrja nga jashtë apo brenda, dokumenti do të humbë autenticitetin. Përveç dokumentit, dëmtim pëson edhe kredibiliteti i institucionit, çështje kjo që nxjerr sheshazi rolin dhe rëndësinë e veçantë që zotëron faktori i sigurisë së dokumenteve dixhitale. Problematika e hulumtuar kryesisht është mbështetur në literaturën më të re relevante, e cila është publikuar nëpër revista shkencore e profesionale, faqe web të arkivave të njohura, si dhe të faqeve profesionale të internetit. Për të trajtuar problematikën e hulumtuar janë marrë parasysh edhe metodat shkencore, siç janë: induksioni e deduksioni, analiza e sinteza, si dhe metoda e krahasimit, metoda këto që përveç anës shkencore-metodologjike, më kanë bërë të mundur për të arritur sa më lehtë deri te rezultati i mbështetur profesional-shkencor, që për rastin konkret e konsideroj për një arritje modeste lidhur me problematikën e mbrojtjes së dokumenteve të dixhitalizuara.