Trajnimi i arkivistëve në kosovë nga fillimi i viteve ’70 deri në ditët e sotme

Abstract

Në këtë punim do të paraqes trajnimin e arkivistëve në Kosovë që nga fillimi i funksionimit të shërbimit arkivor në vitet ’70 deri në ditët e sotme. Me anë të këtij punimi do të elaboroj metodat që janë përdorur ndër vite dhe ato që përdoren aktualisht për aftësimin dhe përgatitjen e arkivistëve në vend. Punëtorët janë shtylla kryesore e çdo organizate. Trajnimi i punëtorëve zë vend shumë të rëndësishëm pasi që ndikon drejtpërdrejt në ngritjen e performancës në punë. Për ta realizuar qëllimin e këtij punimi do të përdor metoda kualitative të hulumtimit, duke u mbështetur në burimet parësore dhe dytësore të të dhënave dëshmuese, me anë të të cilave do të argumentohet se, pavarësisht prej rrethanave dhe situatës në të cilën kaloi Kosova, mund të thuhet se është arritur të krijohen kuadro profesionale arkivore në vendin tonë.