Pjetër Budi vjershëtor i parë i letërsisë sonë

Abstract

Sikur krahas prozatorëve të vjetër të vendit tonë të kishte dalë edhe një shkrimtar vetëm me një vepër në vjersha ose me një tufë vjershash të ndryshme prej trimijë e sa vargjesh, s’ka dyshim se edhe ai do të kishte zanë vendin e vet të denjë ndërmjet shkrimtarëve të tjerë dhe vepra e tij do t’ishte bamë objekt studimi dhe do të kishte pasë vlerën dhe randësinë e vet të veçantë në fushën e poezisë reflekse të letërsisë sonë. Ja, pra, se edhe vendin e një shkrimtari të tillë nuk e la të zbrazët pikrisht Pjetër Budi i cili, përveç një lande aq të vëllimshme në prozë, na la edhe 707 strofa katërshe me rimë të alternueme në Doktrinën e kërshtenë, 41 strofa të tilla në Pasqyrën e të Rrë- fyemit dhe një vjershë prej 38 vargjesh me tetërrokësh të dyfishtë në Ritualin Roman.