Për një vlerësim sa më objektiv të veprës së Mjedës

Abstract

Krijimtaria e Mjedës ka zënë prej kohe një vend nderi në letërsinë tonë. Në këtë krijimtari, që ka tërhequr vazhdimisht vëmendjen e studi uesve për vlerat e larta artistike dhe problemet që paraqet. ndeshen nga një anë simpatia për fshatarësinë e varfër, së cilës poeti i përkiste nga origjina dhe me gjëndjen e rëndë të së cilës pati rast të njihej gjatë jetës së tij si prift fshati, nga ana tjetër botëkuptimi fetar i përcaktuar prej vetë pozitës së Mjedës si klerik. Për këtë shkak fryma kryengritëse në trajtimin e temës patriotike, optimizmi, dashuria e zjarrtë për jetën ndër- thuren këtu me humanizmin kristian, nënshtrimin fatalisti ndaj vuajtje- ve. Këto tipare kontradiktore, karakteristike për poezinë e jMjedës, si edhe moszbatimi konsekuent i metodologjisë marksiste-leniniste nga ana e kritikës dhe e shkencës sonë letrare kanë bërë që të mos vlerësohet drejt krijimtaria e poetit. Si rrjedhim i shkëputjes metafizike të botëkup- timit të autorit prej veprës së tij ose të elementeve të veçantë të veprës prej tërësisë së saj, ka pasur nga ana e studjuesve njëanshmëri dhe sub- jektivizëm që janë shprehur në përgjithësi në idealizimin e krijimtarisë së Mjedës dhe nganjëherë në mohimin e meritave reale të kësaj krijimtarie.