Konferenca II shkencore ndërkombëtare: Kërkime gjuhësore, Tiranë, 4 korrik 2013

Abstract

Më 4 korrik në Tiranë u mbajt konferenca II shkencore ndër-kombëtare “Kërkime gjuhësore”, organizuar nga Qendra e Studimeve Albanologjike, Instituti i Gjuhësisë dhe Letërsisë, në kuadrin e shkollës doktorale në gjuhësi. Morën pjesë me kumtesa dhe diskutime doktorantë, albanologë të universiteteve, të institucioneve kërkimore dhe të akademive të shkencave brenda dhe jashtë kufijve të Shqipërisë. Punimet e konferencës u hapën me fjalën përshëndetëse të drejtorit të Qendrës së Studimeve Albanologjike, prof. dr. Ardian Marashi. Më pas, konferencën e përshëndeti edhe drejtori i Institutit të Gjuhësisë dhe Letërsisë, prof. dr. Valter Memisha.