Një vështrim mbi paradigmën foljore të “Mesharit”

Abstract

Përgjithësisht është pranuar se sistemi i mjeteve gramatikore nga Meshari i Buzukut deri në ditët tona ka ndryshuar shumë pak. Kjo është e vërtetë dhe e dukshme sidomos për paradigmën emërore. Në sistemin foljor gjendja duket se është pak më ndryshe. Po të vërehen me kujdes grupet foljore apo zgjedhimet - më vete dhe për çdo rast -, thënia e përgjithshme mund të diskutohet. Për të arritur në një përfundim sa më bindës, do të ishte e domosdoshme të përcaktoheshin qartë rrafshet kohore të krahasimit si dhe gjendjet gjuhësore, që krahasohen. Në këtë rastin e fundit duhet mbahet parasysh ç’përfaqëson gjendja gjuhësore e re dhe ajo e vjetra, sepse, në qoftë se krahasohet një gjendje gjuhësore dialektore apo arkaike me një gjendje tjetër gjuhësore më të re dhe standarde, përfundimet do të ishin jo të sakta, ose do të paraqitnin vetëm ndryshime gjuhësore, por jo edhe përgjithësime gjuhësore.