Shaban Demiraj, “Epiri, Pellazgët, Etruskët dhe Shqiptarët”, Infobotues, 2008

Abstract

Vitet e fundit ka një rritje të interesit të rretheve intelektuale për çështje që lidhen me historinë e paraardhësve tanë. Për shkak të mungesës së dokumenteve të shkruara, ndriçimi i çështjeve të tilla sa të vështira, aq dhe të ndërlikuara mund të arrihet vetëm me studime ndërdisiplinore, ku, përveç historisë, duhet ta thonë fjalën e vet edhe disiplinat e tjera, si arkeologjia, antropologjia e gjuhësia. Një vepër ku vërehen përpjekje për të shfrytëzuar arritjet e disa prej shkencave të mësipërme, është libri “Epiri, pellazgët, etruskët dhe shqiptarët”, i fundit në serinë e veprave që prof. Shaban Demiraj i ofron lexuesit të interesuar për çështje të historisë sonë të lashtë.