Shënime fonetike mbi të folmen e zonës kodrinore të Rrogozhinës

Abstract

Toponimi Rrogozhinë haset për herë të parë në vitin 1431, në regjistrin e tokave të sanxhakut të Arbënisë, të vilajetit të Balshajve. Sipas gojëdhënave del se fshati Rrogozhinë është krijuar rreth shekullit XIV dhe se është një fshat ku punoheshin shumë rrogozat. Këndej vjen edhe emri i tij, Rrogoz – Rrogozhinë, vendi ku thuren rrogoza. Nuk kemi gjetur dokumente, as nuk kemi dëgjuar gojëdhëna që ky fshat të ketë pasur ndonjë emër tjetër para këtij që ka sot.