Rrëfimtari i madh Mitrush Kuteli

Abstract

Në jetën e çdo letërsie, midis punëtorëve të fjalës, dallohen mjeshtrit e saj. Mund të themi pa mëdyshje se Mitrush Kuteli është një mjeshtër i madh i fjalës shqipe. Me forcën dhe bukurinë e kësaj fjale, ai ngriti veprën e tij artistike dhe u bë një nga individualitetet më të spikatura të letërsisë shqiptare. Në personalitetin krijues të M. Kutelit bashkohen prozatori me poetin, përkthyesi me kritikun letrar, përrallëtari me folkloristin, publicist me studiuesin e shkencave ekonomike e mbi të gjitha mjeshtri i tregimit. Duke derdhur forcat kryesore krijuese në lëmin e prozës tregimtare, Kuteli dha në këtë gjini një ndihmesë shumë të çmuar dhe bëri emër të veçantë po të kemi parasysh peshën e prozës si tregues i pjekurisë së një letërsie.