Nga vepra “fjalor etimologjik i gjuhës shqipe” II

Abstract

bagolínë f. “bar me gjethe të holla, që rritet deri në një gjysmë metri, i ngjashëm me tërfilin, lat. Lotus corniculatus”. Quhet edhe bari i livadhit, groshëza, lulja e fshesës, lulja e lepurit etj. Fjalë relativisht e re në gjuhën shqipe me përhapje krahinore në Veri. Është huazim nga it. bagolina, fjalë e dialektit venecian, që ka kuptimin “shkop i hollë” nga lat. baccum “shkop” (khs. it. bacchetta “thupër”) duke u emërtuar bima nga kërcelli i saj i hollë e i gjatë. (Gazulli 52).