Për origjinën e paskajores në gjuhën shqipe

Rreth diskutimit të gjuhëtarit Marco Gabinschi

Abstract

Në librin “Sistemi foljor i gjuhës shqipe” (Tiranë, 2010, 474 v.) kam paraqitur disa teza të reja për burimin e paskajores së tipit me punue të gegërishtes, ku kam vënë në dukje se kjo formë foljore analitike është krijuar vetëm në dialektin e Veriut, prandaj për dialektin e Jugut nuk mund të bëhet fjalë për zhdukje të saj, meqenëse kjo formë nuk ka ekzistuar ndonjëherë në atë dialekt. Meqenëse tezat e mësipërme janë diskutuar nga gjuhëtari Marco Gabinski në artikullin “Încă o dată despre originea infinitivului albanez (pe marginea unor publicaţii recente”), botuar në “Studia linguistica et philologica - Omagiu Profesorului Nicolae Saramandu” Bucureşti, 2011, f. 369-375, po lejohem të paraqes mendimet e mia, që nuk pajtohen me vërejtjet e paraqitura nga autori i sipërpërmendur.