Takim shkencor për zhvillimet moderne në gjuhësi dhe studimet në fushë të shqipes, Tiranë 2011

Abstract

Më 23 dhjetor 2011 në ambientet e Universitetit Politeknik në Tiranë u organizua takimi shkencor ndërkombëtar “Zhvillimet moderne në gjuhësi dhe studimet në fushë të shqipes” nga Qendra e Studimeve Albanologjike dhe Instituti i Gjuhësisë dhe Letërsisë. Albanologë të universiteteve, të institucioneve kërkimore dhe të akademive të shkencave brenda dhe jashtë kufijve të Shqipërisë morën pjesë me kumtesa dhe diskutime. Takimi u hap nga drejtori i Qendrës së Studimeve Albanologjike, z. Ardian Marashi, i cili përshëndeti organizimin e kësaj veprimtarie shkencore që synonte përditësimin e studiuesve, pedagogëve dhe specialistëve të gjuhës shqipe me drejtimet e metodat moderne që zbatohen në studimet gjuhësore ndërkombëtare.