Një vështrim krahasues ndërmjet krijimtarisë së Petro Markos dhe Heminguejit

Abstract

“Paralelizmat nuk mund të jenë asnjëherë të përsosura, ato shpien në mënyrë të nevojshme në krahun tjetër, në atë të dallimeve. Është vetë mekanizmi i letërsisë së krahasuar që punon kësisoj”, - vëren Fric Shtrihu në veprën e tij “Letërsi botërore dhe letërsi e krahasuar”1. Në këtë kontekst kuptimor le të përpiqemi të shohim pikëtakimet dhe dallimet midis dy shkrimtarëve: Petro Marko dhe Ernest Heminguej, në veprat e tyre respektive: “Çuka e shtegtarit” (2001) dhe “Kopshti i Edenit” (1986). E teksa shprehemi për pikëtakime, ngjashmëri, afri apo dallime, së pari do të vendosim elementin e përbashkët.