Selman Riza: Model kulturor i punonjësit shkencor

Abstract

Në Mendime të shkëputur të një vazhde së vetme Selman Riza formulonte shprehjen sintetike: “koha është gjykatësi më i paparagjykimtë”. Kujtojmë se këtë e thoshte një njeri i cili i njihte mjaft mirë gjykatësit, mbasi ai kishte provuar prej tyre dënime të përsëritura, nga më mizoret dhe të padrejtat. Të gjithë ata gjykatës e kishin ndëshkuar radhazi Rizën, duke u nisur nga paragjykimet e ideologjisë së tyre fashiste, antikosovare, staliniste. Por mendimtari i kthjellët e dinte se të gjithë këto paragjykime do të binin një ditë me rrapëllimë përpara gjykatësit të pagabueshëm, kohës.