Tradita e shkrimit te shqipes dhe “Formula e pagëzimit”

Abstract

Rruga që ka përshkuar gjuha shqipe gjatë shekujve për t’i shpëtuar trysnisë asimiluese të gjuhëve të perandorive me të cilat është ndeshur për rreth gati dy mijëvjeçarë në truallin e vet dhe për t’u bërë gjuhë shkrimi, gjuhë kulture dhe gjuhë letrare e kombit shqiptar ka qenë e gjatë dhe e mundimshme. Ndriçimi i kësaj rruge me mjete dhe me metoda shkencore ka qenë dhe mbetet një nga drejtimet themelore të shkencave filologjike shqiptare. Me të janë marrë disa nga studiuesit më në zë të kësaj fushe. Me gjithë arritjet e shënuara nga kërkimet e bëra gjatë një periudhe prej gati dy shekujsh, në këtë rrugë ka ende disa fragmente të pandriçuara sa duhet, sidomos ato që i përkasin periudhës mesjetare të saj.